කවුද බොලේ ශ්‍යාම් 4 (අවසන් කොටස )

අවසන් කොටස 

     ඔන්න කතාවේ අවසානයට ආවා.... එත් කව්රු හරි ඉන්නවනම් මුල කොටස් බලපු නැති ඔන්න මුලට යන පාරවල් ටික පහළ 

පලමු කොටස

දෙවන කොටස

තුන්වන කොටස  

      මාතලන් ලොක්ක කිව්වත් එකම බලනකොට එපා වෙනවය කියල කතාව අතර මගදී නවත්තල දාන්න බැනේ අප්පා ...... ඒ නිසා කට්ටිය තරහ අවසර කරලා මෙච්චර හොද , දක්ෂ , බිසිනොස් කාරයට මොකද උනේ කියල දැනගන්න ...... අනික මේ කතාව සම්පුර්ණ සත්‍ය සිද්දියක් වන අතර නම් ගම ඉදලම ඇත්තම ඒවාය ....... (බොරුවට කියල තියෙන්නේ ඔය රාලගේ පොඩි අරළු බුරළු දෙබස්  ටිකක් විතරමය... ඒ නිසා අද කොටසේ දෙබස් නැත) එහෙනම් ඔන්න කතාවට .....

     දැන් ඔන්න ශ්‍යාම් ගොයියා ඔය U ටර්න් කරුමාන්තය පටන් අරන් අවුරුදු 3ක් විතර වෙනවා..... කොල්ලට දැන් සරුයි බිසිනොස් වැඩ වලට යන්න මැලේසියාවේ නිෂ්පාදනය කරන ලද proton wira කාර් එකක් 

හවහට කොල්ලෝ සැට් එකත් එක්ක වල බහින්න kia sportage එකක් 

      දුක්මහන්සියෙන් හම්බ කොරපු සල්ලිවලින් අරගෙන තිබුනා...... ඒ ඇරෙන්න දියුණුවේ තරම කියන්නේ අර මුලින් එකට හිටපු නිශාන්ත එහෙම දැන් අතේ දුරින් .... ඒකියන්නේ වැඩිම උනොත් මාසෙට දවසයි හම්බ වෙන්නේ ...... 

      ශ්‍යාම් ව මුලින්ම නිශාන්ත නවත්තපු ගෙදර එකියක්ව (නිශාන්තගේ අන්තන්පුරේ එක බිසවක්) ශ්‍යාම් කොහොම හරි දැලේ දාගත්තා .... රැට නිශාන්තගෙන්  දවස තිස්සේ කරපු හොර වැඩ ටික අහගන්න රේණුකා නංගි උදේට ශ්‍යාම් එක්ක ඔක්කොම කියනවා .... ටික කාලයක් යද්දී නිශාන්තගේ තිබුන සම්බන්දකම් ඔක්කොම ශයම් දන්නවා ඒ නිසා හිමිට නිශාන්තව කපල දැන්මා 

       ඒ විතරක් නෙවි අර චෙල්වම්, මිනිහ අදුන්වල දීපු එයාර් පොර්ට් එකේ ඔපිසර් ... එයාවත් දවසක් හම්බ උන ශ්‍යාම් කියනවා සර් දැන් චෙල්ල දෙන්නේ සර්ට එක පොතකට 100යි නේ මම දෙන්නම් 200ක් කාටවත් නොකිය අපි මේක කරගෙන යමු...... ඔපිසරයත් නිකන් මාළුවාට ගොගල් දුන්නවගේ ....වැඩේට උඩින්ම කැමති උනා. ඊට පස්සේ  චෙල්වත් නිකන්ම හැලුනා 

            ඔක්කොම වැඩ කටයුතු ගෝලයන්ගේ මාර්ගයෙන් තමයි ශ්‍යාම් කරේ .... පොර හොද ගෙදරක ටැලිපෝන් දෙක තුනක් තියාගෙන ඔක්කොම කරේ ටැලිපෝන් හරහා තමයි. ඒ ඇරෙන්න අර වටිනා කියන සීල් ටිකත් වෙනම ගෙදරක තමයි තියල තිබුනේ. 

           හැමදාම ගෝලයෝ ටික මැලේසියාවේ හතර දිග් බාගයෙන් ආසියාතික රටවල් ඔක්කොම වල overstay වෙච්ච පොත් ටික අරගෙන එනවා. කොල්ල ඒවලට අදාල සීල් ගහල අත්සන ගහලා  ඉතුරු වැඩ ටිකට අදාල තැන වලට යොමුකරනවා ගෝලයෝම  හරහා 

          මුල් වරට ශ්‍යාම්ට ලෙඩක් වැටෙන්නේ පාස්පෝර්ට් 35ක් එක්ක ගෝලයෙක්ව පොලොසියෙන් අල්ලගන්නවා එයාර්පෝර්ට් කාර්පාර්ක් එකේදී......  කොල්ලා කෙලින්ම එන්ටර් වෙනවා ගේමට,.... පොලිස් කාරයෝ පොත් ටිකත් අරන් අදාල පොලෝසියට එනකොට ශයම් කොලුවා පොලෝසියේ ලොක්කට එක පොතකට 500 ගානේ 17,500ක් දීලා වැඩේ සුද්ද කරගෙනත් ඉවරයි .... ඊට පස්සේ අයි ඒ පොත් ටික එයාර්පෝර්ට් ගෙනියල තියෙන්නේ පොලිස් ආරක්ෂාවත් එක්කම තමයි.... 

      හැබැයි මේතැනදී එක දෙයක් උනා.... ඒ තමයි පොලිස්කාරයෝ ටික පගාව එහෙමත් අරගෙන පොඩි ඇන්ට්‍රියක් දැම්ම පොලිස් පොතේ........ කෝකටත් කියලා  මතු ආරක්ෂාව පතල වෙන්න ඕනා..... ඒ නිසා ශ්‍යාම්ගේ  නම ඔන්න පොලිස් පොතට ගියා මැලේසියාවේදී .......

   මැලේසියාවේ පොලිස් පොතත් ලේසි නෑ සම්පුර්ණයෙන්ම online මොන පොලෝසියේ පැමිණිල්ල දැන්මත් මැලේසියාව ඇතුලත තියෙන ඕන තැනකින් ඒ පැමිණිල්ල බලන්න පුළුවන් .... 

   මේ අතරේදී පොලෝසිය නිකන්ම හිටියෙත් නෑ ..... මේ දැලට අහු වෙච්ච මෝරගේ තව දත් ගලවන්න බලාගෙන මාසයකට සැරයක්වත් එයාර් පොර්ට් එක පැත්තේ රැකගෙන ඉදලා පොත් එක්ක ගෝලයන්ව අල්ල ගන්නවා ලොක්කා  ගිහින් ජරාව දීලා බේරාගෙන එනවා..... නම පොලිස් පොතට යනවා ඔය චක්කරය කීපසරයක්ම කැරකුනා ......

   ශ්‍යාම් කොලුවත් නිකන් හිටියේ නැ මේ චක්කරෙන් බේරෙන්න එක එක දවසට එක එක කොල්ලන්ව යවනවා දවසගානේ කාර් මාරු කරලා යවනවා ...... කොහොමහරි අන්තිමට කරුමාන්තේ කෙරෙනවා .....

  කරුමාන්තේ කෙරුණත් ශ්‍යාම් කොලුවාගේ ලොකුම දුර්වලතාවය තමයි මුදල් පාලනය ගැන නිසි අවබෝදයක් නොමැතිකම මේ පැත්තෙන් සල්ලි හම්බ වෙනකොට අනික් පැත්තෙන් ඒ ඔක්කොම වියදම් කරන ක්‍රමත් ඕනෑතරම හදාගෙන තිබුණා .... ලංකාවේ එහෙමත් මෙයාලගේ ගම්පලාතේම ප්‍රධාන පාරක් අයිනක ඉඩමක් අරන් තට්ටු 2කේ කඩකාමර පේලියකුත් මෙයා හදල තිබ්බලු .... ඒ ඇරෙන්න ගෙදර කට්ටියට ගමන් යන්න ඩොල්පින් වැන් එකක් එහෙමත් අරන් තිබුනලු .....

   ඔය අතරේ අර මෙයාට ගුරුහරුකම් දෙන බාප්පලා නිතර නිතර මැලේසියාවට ඇවිත් තමන්ගේ පුත්තරයා එක්ක සති දෙක තුන නැවතිලා ඉදල එහෙම ගිහින් තියෙනවා.....  ඒ එන්නෙත් නිකන් නෙව්

මැලේසියාවේ තමන්ගේ පුතා ලොක්කෙක්ය, ලොකු බිසිනොස් එකක අයිතිකාරයෙක්ය, මාසෙට බරගානක පඩියක් එක්ක හොද ජොබක් සැට් කොරලා දෙන්නම්ය, කියලා සැරයකට කොල්ලෝ හතරපස් දෙනෙක් එක්ක තමයි ... 

     ලංකාවේදී ඒ එක කොල්ලෙක් ගෙන් අඩුම තරමේ ලස්ස 3ක්වත් අරගන්නවා. ඊටපස්සේ ගහනවා විසිට් වීසා එකක් දානවා KL වලට එයාර් ටිකට් එකක් (මේ ඔක්කොටම වියදම රුපියල් 50.000ක් විතරය) ඊට පස්සේ කොල්ලෝ ටික මෙහේ ..... ශ්‍යම්ට භාර දෙනවා  රුපියල් ලක්ෂයක් විතර එක්ක...... ඊට පස්සේ බාප්පා මාරු....... 

     මුලින්ම ශ්‍යාම් මාසයක් විතර කන්න බොන්න හොදට දීලා කොල්ලෝ ටික ඇති කරනවා...... ඊට පස්සේ මාසයකින් විසිට් වීසා එක ඉවර උනාම දැන් ඉතින් පොලොසියට හරි ඉමිග්රේෂන් එකට හරි අහු උනොත් උබල ඔක්කොම කස පාර 10ක් විතර කාලා මාස හයක් විතර හිරේ තමයි කියලා හොදට බය කරලා, මම වීසා හදල දෙනකම් ඔහොම වැඩ කරපන් කියලා කාර් වොශ් කරන තැනකට හරි රෙස්ටුවරන්ට් එකක පිගන් හෝදන්න වගේ තැනකට දාලා එතන අයිතිකරයගෙනුත් ගානක් අරගෙන අර කොල්ලන්ව නැති කරනවා.......

    මේ ඔක්කොම විසුක දර්ශන පෙන්නන අතරේ දවසක් රැ කව්රුත් හිතපු නැති විදියට ශ්‍යාම් ගේ ගෙදරට මැලේසියානු අපරාධ පරීක්ෂණ දෙපාර්තමේන්තුවෙන් ඒ කියන්නේ CID එකෙන් පනිනවා..... ගෙදර ඒ වෙලාවේ ශ්‍යාම්, උගේ බාප්පෙක්, සහ ඌට වැඩ කරන ගෝලයෝ 4 දෙනයි, අර ඇති කරන කොල්ලෝ 3 දෙනයි ,  ඔක්කොම 9යි. CID එකෙන් ඇවිත් 10 දෙනෙක් විතර අහනවා කව්ද උබලා කට්ටියගෙන් ශ්‍යාම් කියලා.........

     මේ වගේ අවස්ථාවන්ට ලංකාවේදී වත් මුණදීලා  තියෙන එකම කෙනා වන ශ්‍යාම් ගේ බාප්පා මේ වේලාවේ ඉස්සරහට ඇවිත් කියනවා එහෙම  කෙනෙක් මෙහෙ නෑ කියලා .......

දඩාන් ..................................

 කට්ටිය හිතුව හරි ඒ ආපු අමුත්තන්ගෙන් බාප්පගේ බඩට වැදුණු පයින් පාරේ සද්දේ ......... අනේ දැන් කට්ටිය වෙන වෙනම මර ලතෝනි දෙනවා අනේ සර් මම නම් නෙවි ශ්‍යාම් කියා කියා ....... 

චටස්...... පටස්......... ඒ අතරේ තව දෙතුන් දෙනෙකුටම කනේ පාරවල්

    දැන් සාලේ මැද්දේ කට්ටිය දන ගස්සලා එක එකාට කියනවා ගිහිල්ලා  තමන්ගේ පාස්පෝර්ට් එක ගෙන්න කියලා ඒ යනකොටත් එක අමුත්තෙකුත් යනවා පාස්පෝර්ට් එක ගෙන එකාගේ පස්සෙන්

කාමරේටත්...... ගේන ගේන  පොතයි ගේන එකාගේ මුනයි නමයි බලනවා මේ ශ්‍යම්ව හොයා ගන්න .....                     ඔය අතරේ ශ්‍යාම්ගේ වාරයත් එනවා පොර යන්නේ මිනිහගේ කාමරයට නෙවි ගේ පිටිපස්සෙම තියෙන කාමරයට........ මේ ගේ ගැන කියනවනම් තට්ටු හතරේ ෆ්ලැට් එකක තුන්වෙනි තට්ටුවේ තමයි ගේ තියෙන්නේ පඩි පෙලින් නැගලා ඉස්සරහ දොරෙන් ඇරෙන්න වෙන කිසිම දොරක් නෑ එලියට යන්න........ 

       කාමරයට ගිය ශ්‍යාම් බොහොම දුක මුණක් දාලා අර තනියට ආපු ඔපිසගෙන් අහනවා ඉන්න හිටින්න බෑ චු බරයි යන්නද බාත්රුම් එකට කියලා ඔය වගේ වෙලාවට කට්ටියට චු බර හැදෙන එක සාමාන්‍ය බව දන්නා ඔපිසර් මුට බාත්රුම් යන්න දීල දොර ලගට වෙලා ඉන්නවා..... චු විතරක් නෙවි දෙතුන් සැරයක් කක්කා දාන්නත් යන වෙලාවම ගිහිල්ලත් මු මොකද නැත්තේ කියල බලන්න දොරට තට්ටු කරාම  කොල්ලගෙන් සද්දයක් නෑ ........

     ඒ සැරේ  ප්ලාස්ටික් දොරට පයින් එකක් දීලා දොර ඇරලා බැලින්නම් එහා පැත්තේ තියෙනවා තව දොරක් ඇරලා කෙලින්ම කුස්සියට CID පොර ඊළගට එතනිනුත් ගිහින් කුස්සියේ බලනවා කොල්ල නෑ ...... මොනවා ශ්‍යාම් අතුරුදන්....................

   මැන්  ඉස්සරහට ගිහින් කියනවා එකෙක් අතුරුදන් කියලා එපාර අපු කට්ටිය හතර පස් දෙනෙක් අතුරුදන් ඒකාව හොයනවා ගේ ඇතුලේ ... ඉතුරු කට්ටිය හා අපේ කට්ටිය හිටිය සාලෙන් ඇහෙනවා 

  දඩන්..... බඩන් .... චටස් ....... පටස්........

    මේ එකෙක් කොහොම ද අතුරුදන් උනේ කියල හිතාගන්න වත් බැරි කට්ටිය ඉතුරු 8 දෙනවත් කුදලාගෙන යනවා පොලොසියට ......

  එතනින් අතුරුදන් වෙච්ච ශ්‍යාම් ටික වෙලාවකට පස්සේ මතු වෙනවා ඊට මීටර් 200කට විතර එහායින් ඉන්න තව ලංකාවේ කපල් එකක් ඉන්න ගෙදරකින්...... කොල්ලා මහා රෑම පොලෝසියේ දන්නා හදුනන ලොක්කන්ට (කලින් එක එක ජෝගී වලට ජරාව දීලා හදුනා ගත්තු) කෝල් කරන්න ගත්තා.... අපරාදේ කියන්න බැ මෙහෙ CID  එක උනත් සල්ලි වලට කැදරයි ......  නිසා මේ වගේ අපරාද කාරයන්ට ලෙන්ගතුයි .... මේ කෙස් එක බාරව ඉන්න ලොක්කට රිංගිට් 80,000ක් දීලා කතාව පොතෙන් කටු ගාන්න ලොක්කෝ කැමති උනා 

    එකට මෙයාලව හොයන්න අපු දවසේ ඉදන් පැය 48ක් ඇතුලත RM 30,000ක් ශ්‍යාම් ගෙව්වා එතකොට අර පොලොසියට කුදලාගෙන ගිය කට්ටිය ගව්රවන්විතව නිදහස් කරා.... දෙවැනි 30,000 ගෙවන්න තිබුනේ ඊට සතියකට පස්සේ අර පගාව ගන්න ලොක්කයි එදා ගෙදරට CID එකෙන් පැනපු කට්ටිය ලීඩ් කරපු කෙනයි පගාවට කපු කම කරපු පොලෝසියේ ලොක්කයි ශ්‍යාමුයි එකට ඩිනර් එකකට සැට්වෙලා එතැනදී තමයි ශ්‍යාම් දන ගත්තේ ඇයි එයාව CID එකෙන් හෙව්වේ කියලා....

     හේතුව තමයි මෙය U ටර්න් ගහපු සමහර පොත් අයිති කාරයෝ අපහු යනකොට ඒ සීල් වල ඇති පොඩි පොඩි වැරදි නිසා අහුවෙලා තියෙනවා එතැනදී ප්‍රශ්න කිරීම් වලදී ශ්‍යාම් ගේ නම කීප සැරයක් කියවිලා තියෙනවා තව අර පොලිස් පොත්වල තිබුන පාස්පෝර්ට් එක්ක අහුවෙන තැන්වලදිත් මේ නමමයි..... ඔතනදි පොලොසියෙන් ශ්‍යාම්ට කොන්දේසි කීපයක් දානවා 

• ඒ මොහොතේ ඉදන් කරන මේ හොර වැඩ සියල්ල සම්පුර්ණයෙන්ම නවත්තන්න ඕනා... 
• මාසයක් ඇතුලත බැලන්ස් එක ගෙවන්න ඕනා..  
• අයෙත් මේ වැටලීම උන brickfelids කියන පළාතේ රටින් පිට වෙනකම් එන්න තහනම.... 
• මාස 6ක් ඇතුලත රටින් පිට වෙන්න ඕන කියලා 
• ඒ වගේම එදා අර ගෙදරින් අර විදියට අතුරුදන් උනේ කොමද කියලත් ඇහැව්වේ එදා ආපු ලොක්කමයි 

      එදා ශ්‍යාම් කරලා තියෙන්නේ කාමරේ දොරෙන් බාත්රුම් එක

ඇතුළට ගිහින් කුස්සියේ දොරෙන් එලියට ඇවිත් කුස්සිය පැත්තේ තියෙන තට්ටු 3ක් උස බැල්කනියෙන් බිමට පනින එකයි..... ඕක අහපු පොලිස් කාරයෝ කිව්වලු උබනම් යකෙක් කියලා එත් පස්සේ ශ්‍යාම් කියල තිබුණා ඕනෑකමින්ම පැන්න නෙවි බේරෙන්න තියෙන උවමනාවට අසිහියෙන් තමයි පැන්නේ කියලා..... සිහියෙන් නම් කවදාවත් ඕක කරන්නැ කියලා......

     කොහොම හරි මේ සිදුවීමෙන් පස්සේ ශ්‍යාම්ගේ නරක කලදසාව ලැබුවා පොරෝසිද්දියේ වැඩ කරන්නත් බෑ .... kia කාර් එකත් නොකියම වික්කා පොලොසියට සල්ලි ගෙවන්න. ඒ ඇරෙන්න ලංකාවේ වෑන් එකත් විකුණලා සල්ලි ගෙන්න ගෙන තිබුණා. වටේ හිටිය කොල්ලෝ ටිකත් වමත හා දකුණත ඇතුළුව තමන්ගේ වැඩක් බලාගෙන හිමිට මාරු උනා.

   හැබැයි එක වාසියක් තිබුනා කලින් ලංකාවට ගිය කට්ටිය ශ්‍යාම් නිසා ඊළගට අලුතෙන් එන කට්ටියව කෙලින්ම යොමු කරේ ශ්‍යාම් ලගට ... තව දුරටත් මැලේසියාවේ වැඩක් කරන්න බැරිබව දැක්ක ශ්‍යාම් ඒ වගේ අලුතෙන් ආපු කට්ටියගෙන් වීසා හදන්න කියලා RM 100,000 විතර සහ යන යාකා කොරගත් බිදගෙන යනවා කිව්වා වගේ මේකා හදිස්සියේම නිවේදනයක් නිකුත් කරා සතපහක් වත් ඇඩ්වාන්ස් නොගෙන මස 2ක් ඇතුලත professional වීසා එකක් හදල දෙනවය අවස්ථාව තියෙන්නේ 10 දෙනෙකුට විතරය කියල මෙහෙ කොන්ත්‍රාත් වැඩ කරන ප්‍රසිද්ද සමාගමක නමත් ඇදල ඒ නමින්ම තමන්ටත් තියෙන වීසා එකත් පෙන්නලා ලොකු පබ්ලිසිටියක් දුන්නා...... වැඩේ කරලා ඉවර උනාම එකකට ගෙවන්න ඕන RM 7,500ක්

   ඒ තමයි ශ්යම්ව දැකපු අන්තිම මාස 2ක මස 2ක් අවසානයේ කොල්ල අර කියපු විදියට එක සිකුරාදා දවසක ගහපු professional වීසා පොත් 25ක් 30ක් විතර කට්ටියට දීලා 7,500 ගානේ එකතු කරලා සදුදට මැලේසියාවට ඉර පායන කොට මැලේසියාවෙන් සමු අරන් (හැබැයි පැදුරටවත් නොකිය) 

   එතකොට අර ගහල තියෙන professional වීසා, RM 100කට මෙහෙ ඉන්න හොද කොම්පීටර් ජිල්මාට් කාරයෙක්ගෙන් අරගත්තු ඔරිජිනල් වීසා එක වගේම ඩුප්ලිකේට් කොපියක් විතරයි ..... සිකුරාදා ගත්තු වීසා එක සදුදා කට්ටිය පරික්ෂ කරලා බලන කොට කොල්ලා උඩුගුවනේය......

    ඔන්න දැන් කියවපු කට්ටිය දන්නවා කව්ද මේ ශ්‍යාම් කියල 

දුසමාන ආරංචියක් තියෙනවා කොල්ල දැන් ඉතාලියේ කියලා ඒ නිසා දන්නා හදුනන ඉතාලි කාරයන්ව දැනුවත් කරන එක තම තමන්ගේ වගකීමකි 

       

මීලග පොස්ටුවෙන් .........

• එක ගමේ එකට හැදිච්ච යාලුවෝ සැට් එකක් 
• අල්ලපු ගමේ තව යාලුවෝ 2ක් එක්ක 
• රට අංකුරෙක් වූ ඒජන්ට් කෙනෙක් එක්ක මෙහෙ ඇවිත් 

    සිදුවූ භයානක මිනීමැරුම 

මේ සම්බන්දයෙන් උපදෙසක් අවස්සය අර යහළුවන්ට පහත දැක්වෙන අන්තර්ජාලයෙන් සොයාගත් අන්වර්ථ නාම යොදා ගන්නට තීරණය කොළෙමි ඒ සදහා පාඨක ඔබගේ කැමැත්ත අකමැත්ත මෙහි සදහන් කල මැනවි 

• ප්‍රියන්ත 
• මාරයා 
• ඩ්‍රකී 
• හෙන්රි 
• කෙන්ජි 
• සුදික 
• නලින්