පට්ටපල්, අමුලික ඇත්ත කෙටි කතා මාලාවේ.... දෙක

ඔන්න එහෙනම් දෙක 

බැලුවේ නැත්නම් එක මෙතැන

නිසාන්තගේ වික්‍රමය  

       ඇතුගල ගමේ මායිමක තමයි නිසාන්තගේ තාත්තාට අයිති පොල්වත්ත තිබුනේ වැඩිමහල් සහෝදරියන් තුන්දෙනෙක්ට පස්සේ පවූලේ එකම පිරිමි දරුවා උන නිසාන්තට  ඉගෙනිමනම් හොදින් පිහිටලා තිබුනේ නෑ..  එත් දේව මල්ලියෙකුට අයත් ඒ පාලාතේ පොරසිද්දම පාසලට ගිය නිසාන්ත යන්තම් සා.පෙ ගොඩ දාගත්තට පස්සේ කළා අංශයෙන් හරි උ.පේ කරන්න කියලා ගෙදරින් බල කෙරුනා.

    යන්තම් උ.පේ කඩ ඉමත් බොහොම අමාරුවෙන් ගොඩා දාගත්තත් එතැනින් එහාට ඉගෙන ගන්නනම් නිසාන්තට ඕන උනේ නෑ.... කවදා හරි තමන්ට වඩා හොඳින් තම පරම්පරා ගත පොල්වත්ත එකම පුතා පාලනය කරයි කියන මහත් බලාපොරොත්තුවෙන් සිටිය පියාට මේ ඉගෙන ගැනීමේ මට්ටමනම් කොහෙත්ම සෑහුනේ නෑ...  එත් දැන් ඉතින් වෙන කොරාන්ට දෙයක් නැති නිසා තාත්තා පුතාට  පොල්වත්තේ වැඩ පුරුදු කරන්න පටන් ගත්තා. 

වත්ත මැද්දේ නිසලව, අලසව ගෙවීයන කාලයත් එක්ක මේ වතුපාලනය දැන් දැන් ටික ටික නිසාන්තට එපාවේගෙන එන්නේ.. එත් කවදා හෝ අල්ලපු වැටෙන් වෙන්වෙලා තියෙන පොල්වත්තෙන් කොටහකුත් තමන් සතුකර ගන්න හින දකින තම පියාට  එරෙහිවන්න නිසාන්තට හිතුනේ නෑ .

   එක්තරා සති අන්තෙක නගරයට ගිය නිසාන්තට තම පාසල් සගයෙකු මුණ ගැහෙන්නේ අහම්බෙන්. ඔහු නගරයේ පොරසිද්ද මහල් කීපයකින් යුතු සාප්පු සංකීර්ණය අයිතිකරුගේ පුතා. තමන්ගේ අලස ව්‍යාපාරය ගැන කන්කෙදිරිගාන  නිසාන්තට මිතුරාගෙන එන්නේ සීග්‍රගාමී ව්‍යාපාර අදහසක්, 

මිතුරා: - උබ එහෙනම් කම්මැලිකම යන්නත් එක්ක ඊලග  සැරේ වරෙන් මාත් එක්ක රෙදි ගේන්න ඉන්දියා යන්න, 

නිසාන්ත:- අපෝ අපේ තාත්තාගෙන් ඕකට සල්ලි ගන්න ලේසි වෙන එකක්  නෑ බන්...

මි:- උබ තාත්තාගෙන් ලෝන් එකක් ගහපන්... ලක්ෂ 3ක් විතර... ටිකට් එකටයි එහෙ ඉඳුම් හිටුම් ඇරෙන්න ඉතිරි ඔක්කොම සල්ලිවලින් මෙහෙ ආපු ගමන් විකිනෙන බඩු  ටිකක් මම උබට අරන් දෙන්නම්,.. ඒවාවල ලාබයෙන් උබේ වියදම් ටික කෙලින්ම කවර් කර ගත්තැකි... උබ ලක්ෂ පහක් විතර අරන් ආවොත් එකෙන් එන ලාබෙන් වියදම් ඇරලා අතටත් ගානක් ගන්න පුළුවන්,
  

නි:- හරි මම තාත්තා එක්ක කතා කරලා උබට කියන්නම්කො, 

    මාස කීපයකින් පැවැත්වීමට දින නියම කරගෙන තිබු පවූලේ ලොකු දුවගේ විවාහය සදහාත් අවශ්‍ය සාරි අඩුමිලට මිලදී ගැනීමට ඇති හැකියාව නිසා නිසාන්ත හිතුවටත් වඩා පහසුවෙන් ඉන්දියාගමනට අවසර හා මුදල් ලැබුනා.. නිතර ඉන්දියාවෙන් රෙදිපිළි ගෙනවිත් තිබු මිතුරා කිසිදු ගුරුමුෂ්ටියක් නැතුව ගනුදෙනු කෙරෙන තැන් හා විදිය නිසාන්තට කියා දුන්නේ නියම මිත්‍රත්වය මොනවට කියා පාමින්.. (හරියට පත්තරයයි ඉවානුයි වගේ) අවශ්‍ය ප්‍රධාන සියලුදේ රැගෙන අතේ ඉතිරි මුදල් වලට හරියන්න සුළු භාණ්ඩ ගන්න ගිය අවසාන දවසේ මිතුරන්ගේ කතාබහ මෙන්න මෙලෙසයි, 

මිතුරා:- උබ ගෙදරට ගත්ත සාරි ටික නිකන් ලැබුනා කියලා හිතාගනින්... ඔය ගත්ත අනික් සාරි ටික වික්කම ඒවාවල ගාන නිකන්ම කවර්  කර ගත්තැකි.... අද ඔය ටොයිස් අයිටම් ගනිද්දී මතක ඇතුව රුපියල් 25000ක් විතර අතේ ඉතුරු කර ගනින් ලංකාවේදී ටැක්ස් ගෙවන්න.... 

නිශාන්ත:- හෆොයි මට ඒක අමතකම උනානේ .... මේ බඩු කන්දරාවටම 25000ක් ඇතිද බන්,

මිතුරා:- මේ ටිකට හරියට ටැක්ස් ගැහැව්වොත් ලක්ෂේත් පනිනවා.... එත් 25000න්  ගේම ගොඩ දාගන්න කොරෝම තියෙනවා ඒ ටික මම උබට එතැනදී කියලා දෙන්නම්කෝ, 

  නැවත මව්රටට පය තිබ්බට පසු නිසාන්ත මිතුරාගේ අවසන් පාඩම ඉගෙන ගන්නා ලදී,  එනම් රජයේ ටැක්ස් නොව සාමාන්‍ය ටැක්ස් වටිනාකමින් හතරෙන් එකක් පුද්ගලයෙකුට ගෙවා ටැක්ස් අයකරන්නන්ගේ සහයෝගයෙන්ම ටැක්ස් නොගෙවා බඩු  ටික එලියට ගැනීමයි.

  මෙසේ සාර්ථකව තම පළමු ව්‍යාපාරික විදේශ සංචාරය නිමකළ නිසාන්ත තව වසර දෙකක් ඇතුලත මෙවැනි ඉන්දියන් ගමන් දහ දොලෝස් සැරයකට වඩා යෙදුනු ප්‍රවීනයෙක් බවට පත්වී තිබුනා. 

   කතාව ආරම්භවනුයේ දැන්ය. සුපුරුදු පරිදි දිනක් ඉන්දියන් සංචාරයකට පසු  ගුවන්තොටේ සියළු පෙර සුදානම් සහිතව කස්ටම් අංශය පාස්කිරිම සඳහා යන නිසාන්තවෙත පැමිණෙන්නේ එම නිල ඇඳුමම හැදගත් නිලධාරියෙකි... 

   ඔයා අපේ සෙටින් එකකින් නේද මල්ලි යන්නේ අසමින් පැමිණ ඔහු නිසාන්ත අත පත්කරනුයේ ලීටර් එකහාමාරකින් යුතු වටිනා විදෙස් මත්පැන් බෝතලයකි. ඉන්පසු කියනුයේ මේකත් ඔයගමන්ම එලියට ගෙනියන්න මල්ලි මම එළියෙන් එන්නම් ගන්න යනුවෙනි.. මේ සා උදව් කරන අයගෙන් කෙනෙක් යයි සිතා එම හතරැස් පෙට්ටිය තම භාණ්ඩ අතර නිශාන්ත සගවාගන්නේ ඒ වනවිට ඔහුත් විකිණීම සඳහා නියමිත ප්‍රමාණයටත් වැඩියෙන් බෝතල් මිලටගෙන තිබු හෙයිනි ...  

   නිසාන්ත ජයග්‍රාහී ලෙස අදාළ පරිශ්‍රය පසුකර එලියට එන ගමන් නැවත වරක් එම සගවා තිබු බෝතල් ටික ට්‍රොලියේ වෙනම අසුරන්න පටන් ගන්නේ තව නොබෝ වෙලාවකින් මතු වෙන අර නිලධාරියාට බෝතලය පහසුවෙන් නැවත ලබාදීම සඳහාය. නමුත් සිදුවන්නේ වෙනකකි. 

    පිටත සැකසහිත මගින් පරික්ෂා කරමින් හදිසි කඩා පැනීම් කරන තව කස්ටියක් එක්වරම නිසාන්තගේ ට්‍රොලිය ඉදිරියට පාත්වෙන්නේ පිළිවෙලට ඇති බෝතල් ඇසුරුම් වලට පෙරෙත බැල්ම දාන ගමන්ය...

නිළධාරින්:- මල්ලි දන්සලක් දෙන්නද ?? කෝ.. මේවයේ ක්ලියරින් ඩොකියුමන්ට්,

නිසාන්ත:- මේ තියෙන්නේ කොලේ සර්... මේ යාළුවො ටිකට ගත්තේ ටුවර් එකකට ඉන්දියා ගිහින් එනගමන්,

නිළධාරින්: ඔයාම දන්නවනේ මල්ලි එක්කෙනෙකුට එකපාරට මෙච්චර ගෙනියන්න බෑනේ ඔයා මේ කොලේ ලියලත් නෑනේ මෙච්චර තියෙන බව,

නිසාන්ත:- ලිව්වේ නැත්තේ මෙහෙ ඩියුටි ෆ්‍රී එකෙන් හදිස්සියේම ගත්තනිසා...... මොකක් හරි පොඩි ශේප් එකක් දාගන්න විදියක් නැද්ද සර්,

නිළධාරින්:- හරි හරි එහෙනම් ඔහොම්ම එලියට යනගමන් අන්න අතනදී මෙන්න මේක අපිට දෙන්නකෝ,

නිසාන්ත: අයියෝ සර් ඕක නැතුව වෙන ඕන එකක් ගන්න.... ඕක මේ.. මේ... විශේෂයෙන්ම වෙන යාලුවෙක්ට ගත්ත එකක්

නිළධාරින්:යාළුවට ඊළඟ සැරේ ගිහින් දෙන්න මේක අපිට දෙන්න ඔයා නිකන් කොරමේ දන්නේ නෑ  වගේනේ කතාව ඔය අනික් ඒවා ඕන තැනකින් ගන්න පුළුවන් මෙවානේ හැමතැනම නැති බඩු 

   මෙවැනි අවස්ථාවලදී පුරුදු කාරයෝ මෙයාලා ඉල්ලන දේ දීලා මේ කරදරෙන් බේරිලා ගියත් නිසාන්ත උත්සහ කරේ මේකෙනෙක්ම ට්‍රැවල් කරන්න දුන්න බෝතලය කොහොම හරි එයාටම ගිහින් දෙන්නයි... එත් එම උත්සහයම නිසාන්තගේ අවාසනාව ඉක්මන් කෙරෙව්වා ... මේ නිසාන්තගේ අසාමාන්‍ය උත්සාහය ගැන සැක සිතු එක් නිලධාරියෙක් බෝතලය  බහලු පෙට්ටිය විවුර්ථ කලේ පෙට්ටියේ යට පැත්තෙන්. 

  එක්වරම වික්ෂිප්ත වූ මේ නිලධාරියා ඇතුලේ වූ යමක් අනෙක් අයට පෙන්නනවාත් සමගම වහා ක්‍රියාත්මක වූ මොවුන් නිසාන්තගේ අතට මාංචු දමා රැගෙන ගියේ ප්‍රශ්න කිරීමේ කාමරයක් වෙතය. තාමත් අන්දුන්කුන්දුන් වි සිටින නිශාන්තගෙන් ප්‍රශ්න කෙරුනේ විස්කිබෝතල් අසුරණය ඇතුලේ සුක්ෂමව සගවනලද හෙරොයින් ග්රෑම් 200ක පමණ ප්‍රමාණය කොහෙන්ද ගෙනාවේ, කාටද ගෙනියන්නේ, කව්ද ජාවාරමට සම්බන්ද අනෙක් කට්ටිය යනාදියයි...

  අහස පොලොව නුහුලන මේ කතාන්දරවලට පිළිතුරු ලෙස, මේ බෝතලය තාමාට ලැබුණු ආකාරය නිසාන්ත පුන පුනා පැවසුවත්.. ඊට මාස ගණනකට පසු උසාවි නියෝගයක් මත නැවත තම නිතිඥ මහතුන්, පොලිසිය සමග අදාළ බෝතලය ලැබුන තැන හරියටම පෙන්වා දෙනු ලැබුවත් එම තැන කිසිදු ආරක්‍ෂිත කැමරාවකින් ආවරණය නොවන නිසා නිසාන්තගේ කතාව ඔප්පු කිරීමට කිසිවකුට නොහැකි විය.

 ඉතාමත් දරුණු වද බන්දන වලට භාජනය වෙමින් මාස කීපයක ප්‍රශ්නකිරීම් අවසානයේ ඒ වනවිටත් විසිදෙවන හැවිරිදි වියේ පසුවූ නිසාන්ත වසර හතකට දගගෙට නියම විය. 

   අල්ලපු වත්තෙන් කොටසකුත් තම පුතා තම වත්තට එකතුකරගන්නවා දැකීමට පෙරුම්පිරූ පියා, තම වත්තෙනුත් කොටසක් විකුණා දක්ෂ නිතිඥ මහතුන්යොදවා නඩු විභාගයේදී එකම පුතා බේරා ගැනීමට උත්සහ කලත් අවසන් තීන්දුවෙන් පසු දින කීපයකින් මෙලොව හැර ගියේ දරුණු ශෝකය දාරා ගැනීමට නොහැකිවය. 

 දැන් ගමේ හැමෝම කතාවෙන්නේ රෙදි ගෙන්න කියා කියා ඉන්දියාවේ ගිහින් කුඩු ගෙනා නිසාන්ත ගැනය...  ඔවුන් කියන දේවල් අදටත් රහස් පොලිසියටවත් සොයාගැනීමට නොහැකිය.. නමුත් ගමේ හැමෝම සහයෝගයෙන් සමගියෙන් එක හෙලා කියන්නේ නිසාන්ත මුලසිටම කලේ කුඩු බිස්නස් කියාය. (අන්න අපේ සිංහල කම) ඒ වන විටත් තම එකම මල්ලි ඉන්දියාවෙන් ගෙනා සාරි වලින් හැඩගැන්වී විවාපත් වී සිටි වැඩිමහලු සහෝදරියන් දෙදෙනා ගමේ අනික් කට්ටිය කියන කතා වලට අනුබල දෙමින් වාගේ මහගෙය මගහරින්නට විය.  තෙවන සහෝදරිය පමණක් තම දෙමව්පියන් මෙන් අදටත් නිසාන්තව විස්වාස කරයි.

 දඩුවම් කාලය නිමවා ගෙදර පැමිණියත් නිසාන්තට පාරක තොටක යා නොහැකි තත්වයක් ගමේ උදාවී තිබිණ... ගමේම දුප්පත් තරුනයෙකු සමග ඇතිකරගත් සම්බන්දතාවයකින් පසු උත්සවයක් නොමැතිවම විවාහවී, තම මවද රැක  බලාගෙන පොල්වත්තේ සුළු ආදායමෙන් ජීවත්වූ සොහොයුරියට තවදුරටත් බරක් නොවූ නිසාන්ත අදටත් මැලේසියාවේ නිවාස සංකීර්ණයක ප්‍රධාන ආරක්ෂක නිලධාරියා වශයෙන් සේවය කරයි.

ලියා පොරසිද්දියට පත්කරන ලද්දේ මැර කකා විසිනි...

පලි: සුපුරුදු පරිදි කතාව ඇසුවායින් පසු රාල නිසාන්තගෙන් කිසිවක් අසන්නට ගියේ නැත... එත් නිසාන්ත මගෙන් ඉල්ලීමක් කරා ... "ඔයාට පුලුවන්නම් මේ කතාව පත්තරේට හරි ඉන්ටනෙට් එකේ හරි දාලා ප්‍රසිද්දියක් දෙන්න කව්රුහරි කෙනෙක් පාඩමක් ඉගෙන ගනී "
ඔහුගේ ඉල්ලීම මා මට හැකි අයුරින් සම්පුර්ණ කලෙමි....