සංඝං සරණේ සිවුරු දරාගෙන ..........
හරි ඊයේ ගෙන්ටින් ගිහිල්ල ආවානම් අද ඒ කියන්නේ මැලේසියාවේ අන්තිම දවස කොහොමද ගත කරන්නේ කියන එක තමයි මම දැන් ඔන්න කියන්න යන්නේ.
පොඩි අවුලක් තියෙනවා ගියපාර පොස්ට් එකට ආපු පලවෙනි කොමෙන්ටුව නලින් අයියාගෙන් ගෙන්ටින් හයිලෑන්ඩ් වහලා කියන්නේ ඇත්තද කියන එක...... රාල පටස් ගලා ගත්තා කෝල් එකක් ගෙන්ටින් වල තියෙන first hotel එකේ වැඩ කරන චමිල මලයට.... දෙබස මෙන්න මෙහෙමයි
රාළ : චමිල මල්ලි ආරංචියක් ආවා ගෙන්ටින් මේ දවස් වල වහලා කියලා ඇත්තද බන්
චාමි : පිස්සුද අයියේ කව්ද ඔය බොරුව කිව්වේ?? අපි මේ දැනුත් වැඩ ... එහෙම වහන්න පුළුවන් තැනක්ද මේ?? අද දවසට විතරක් කේබල් කාර් එකට හොටෙල් එක පැත්තෙන් ට්කට් 50,000 පන්නලා විකුනලා කියලා අපේ සුපවයිසර් කිව්වා..... දැන් මේ මට පේන ටිකේ විතරක් දාහ පන්නලා කට්ටිය ඉන්නවා
රාළ : අපෝ ඇති ඇති බන් ප්‍රස්නයක් ඇහුවම කෙටියෙන් උත්තර දෙන්න පුරුදු වෙයන්කෝ
චාමි : නෑ අයියා හම්බ කරන් කන තැනට කෙල වෙලාද කියලා ඇහැව්වම ඉතින් අප්සැට් යනවනේ එකයි....
රාළ : හරි හරි එහෙනම් බොහොම ස්තුතියි මල්ලියෝ මම පස්සේ නිවාඩුවේ කතා කරන්නම්කො බායි ....
අමාරුවෙන් උගෙන් ගැලවිච්ච මම ඔන්න නලියට රිප්ලයි කරලා පිස්සුද එහෙම මේක වහලා නෑ කියලා. එත් අපහු ටික දවසකට පස්සේ ඇනෝ කෙනෙක් කොමෙන්ටුවක් දාලා අපිත් ගියාය එත් 2016 වෙනකම් outdoor theme-park එක වහලය කියලා.... මම අයෙත් ගත්තා කෝල් එකක් අපේ චමියට
රාළ : මලේ බලපන් බන් මේ අපිටත් උගන්නන්න එනවනේ සමහර පොරවල් outdoor theme-park එක 2016 වෙනකම් වහල කියලා හෙන පචයක් කියනවානේ පොරක්
චමි: පචයක් නෙවි අයියේ වහලා තමයි.... දැන් මාස දෙකකටත් වැඩිනේ
ඔන්න රාළට බොහොම කලාතුරකින් වෙන මාරවේශය ආපු වෙලාව
රාළ : ඇයි බෝල හරකෝ මාස දෙකකට කලින් වහලනම් සති දෙකකට විතර කලින් තෝ එදා කිව්වා නේද අදත් 50,000කට වැඩි සෙනග මෙහෙ අපි ඔක්කොම වැඩ කියලා
චමි: ඔව් අයියේ වහලා තියෙන්නේ outdoor theme-park එක indoor theme-park එකයි අනික් හොටෙල්ස් ඔක්කොමයි අනික් ඒවා මෙව්වා ටිකයි ඔක්කොම වැඩ අයියා එදා ඇහැව්වේ ගෙන්ටින් වහලද කියලා නේ ගෙන්ටින් කියන්නේ ගෙන්ටින් outdoor theme-park එක කියන්නේ එකේ පොඩි කැල්ලක් විතරනේ
රාළ: ඇයි බන් අපි වගේ අහිංසක දුප්පත් කොල්ලෝ ඔක්කොම ගෙන්ටින් එන්නේ ඔය outdoor theme-park එකට යන්නනේ... උබ මට නිකමටවත් එදා කිව්වේ නැනේ මේක වහලා කියලා
චමි: ඔයා ඉතින් ඇහැව්වේත් නැනේ
දෙබසේ ඉතිරිය බලදාරියා විසින් කපන ලදී
ඔය දෙබස් ලිවේ කරුණු 2ක් නිසා.. එක ඉඳලා ඉඳලා රාල ලියන කොටත් මේ විනෝද සාගරය වහලා දාලා රාලගේනම් අදහස කැසිනෝ හා ඒ ආශ්‍රිත අනෙක් දේවල් කරන උදවිය ඇරුනම අනෙක් අයටනම් ඔය outdoor theme-park එක වහලනම් ගෙන්ටින් ගිහින් වැඩක් නෑ... ඒ නිසා දෙවැනි දවසට විකල්පයක් රාල නැවතත් නව පොස්ටුවක් ලෙස මේකෙම ඊළඟ කොටසින් අරගෙන එනවා අද ලියන්නේ අවසාන දවස ගත කරන හැටි
අර දෙවැනි කාරණය තමයි මැලේසියාවේදී ඔබලා පුළුවන් තරම් නොහඳුනන ශ්‍රි ලන්කිකයන්ගෙන් උදව් ගැනීමෙන් වලකින ලෙස මොකද දන්නා චමියත් අරවගේ පිස්සු කෙලින කොට මෙහෙ ඉන්න ගොඩක් එවුන් ඔය වගේ මෙලෝ රහක් නැති කතා නිතර කියන නිසාය... අනික අපේම අය නේද කියා සිතන්නේ නැතුව දත ගලවන්නටද සුරයන්ය ...
හොඳයි තුන්වන දවසේ උදේම යමු ෂොපින් පාරක් දාන්න ඒකට සුදුසුම තැන අපේ ඇනෝ කෙනෙක් කොමෙන්ට් කරලා තිබ්බා ගිය පාර පොස්ට් එකේ MY-DIN කියලා මේක තියෙන්නේ kota raya වල
මේකෙන් පුළුවන් ලංකාවට ගෙනියන්න ටොෆි, චොකලට්, ඕනමන්ට්ස් , දන්නා කියන ගෑණු ළමයින්ට බෙදන්න කොන්ඩ බෝල, මේකප් සැට්, ඉමිටේෂන් මාල වළලු , මුදු, කරාබු , ඔරලෝසු , සපත්තු සෙරප්පු, හෑන්ඩ් බැග් (සහ අනෙක් ඕනෑම වර්ගයක බැග්) ඒවගේම සෙල්ලම් බඩු ගෘහ විදුලි උපකරණ, ඇතුළු මෙකි නොකී සැම දෙයක්ම මෙතන තියෙනවා එකක් දෙකක් ගන්නවානම් සිල්ලර මිලට හා එකම වර්ගයකින් හයකට වාඩා ගන්නවානම් තොග මිලටත්, මෙතැනින් මිලට පුළුවන් ආ අමතක උනානේ ඇදුම් පැළදුම් , යට ඇඳුම් එහෙමත් තියෙනවා මෙතැන .... තොග හා සිල්ලරට ...
kl සෙන්ටර් ඉඳලා මෙතනට ටැක්සියට ගන්නේ RM අටයි..
ඊළඟට ඔය කොම්පියුටර්, ටැබ්ලට් pc හෑන්ඩ් ෆෝන් හා ඒවාට අමතර කොටස් ගන්නවානම් යන්න ඕනා නැවතත් ඉම්බි Imbi වල ඇති LOW YET PLAZA වෙතය.
මේ සදහා kl සෙන්ටර් සිට පැමිණෙන්නේනම් රිංගිට් 2කට මොනොරේල් එකෙන්ම පැමිණිය හැක. kota raya (mydin අසල) සිට පැමිණෙන්නේනම් ටැක්සියකට රිංගිට් 6කි.
හැබැයි මෙතනින් බඩු ගන්නා විට සිහි තබා ගතයුතු කරුණු කීපයක්ම ඇත. එක ඔබ මිලදී ගන්න භාණ්ඩ ගැන ඔබේ දැනුම මත සෑහීමකට පත්විය හැකිනම් පමණක් මිලට ගන්න. මෙහි සිටින branded authorized dealers ලා හැර අනෙක් කිසිම වෙළද සහයකයින්ගේ වචන කිසි සෙත් විශ්වාස නොකරන්න. අප විදේශකයින් බව දැනගත් පසු දත ගැලවිම සඳහා දාර ඇනකොන්ඩන් ඔවුන් පාවිච්චියට ගනු ඇත.
විශේෂයෙන්ම ඇදුම් පැළදුම්ම මිලදී ගැනීමට ඔබ වැඩි රුචියක් දක්වනවානම් ගියවර පොස්ටුවේ කොමෙන්ටුවක් එක්කල අපේ බිත්ති පැතුම් කිව්ව Berjaya Times Square පිහිටා ඇත්තේද මේ ළඟ පාතම පයින් යන දුරය.
ඇත්තෙන්ම මේ තැන් දෙක සදහා දවසක් හොඳටම ප්‍රමාණවත්ය. නමුත් ෂොපින් නොකරන හා ලාවට කරන අයට ගත කිරීමට තව තැන් කීපයක් සඳහන් කරන්නෙමු ...
එකක් නම් ඔබ ශ්‍රී ලාංකිකයකු හැටියට මැලේසියාවේදී ආඩම්බර වියහැකි ස්ථානයක් වන බෞද්ධ මහා විහාරයයි KL සෙන්ටර් සිට පයින් යන දුරින් පිහිටා ඇති මෙය ඔබ විසින් නැරබිය යුතුම තැනකි.
මීලගට ඔබට වෙලාවක් තිබෙන්නේනම් මා යෝජනා කර සිටිනුයේ තවත් සුන්දර අත්දැකීමක් වන මැලේසියානු ක්වාලා ලම්පුර් ජාතික කෞතුකාගාරය බලන්නට යා හැකිය KL සෙන්ටර් සිට රිංගිට් හයක ටැක්සි දුරින් පිහිට ඇති මෙය ඇත්තෙන්ම මාහා ඉතිහාසයක් නොමැති රටක් උවත් තම මෑත අතීතය මැනවින් නිරුපනය කරන ස්ථානයකි
මෙය පිහිටා ඇත්තේ KL සෙන්ටර් සිට රිංගිට් 5ක ටැක්සි දුරකින්ය
මේ මොනවටවත් කැමති නැති අයට .... අපි හිතමු ඔබ පැමිණියේ තම ආදර වන්තයා/වන්තිය සමගය කියා.... එසේනම් පොඩි ඇවිදිල්ලාවක් සදහාත් නවතම 3D චිත්තර පටයක් නැරබීම වගේ දෙයක් සඳහාත්, චීන, ජපන්, තායි, හොංකොං, වියට්නාම්, ඉන්දුනිසියන් හා යුරෝපිය කෑම වේලක් වැනි දේවල් සඳහාත්, ටිකක් විතර (හෝ හොඳටම) හයී ෆයි සාප්පු සවාරියක් (නැරබිමක්) වගේ දෙයක යෙදෙන්න කැමති අයට මැලේසියාවේ අංක දෙක සුපිරිම සාප්පු සංකීර්ණය වන මිඩ් වැලි (mid valley mega mall ) නගරයට යා හැකිය.
මෙය පිහිටා ඇත්තේද KL සෙන්ටර් සිට රිංගිට් 5ක ටැක්සි දුරකින්ය.
ඔන්න දැන් දවසක් ගත කිරීම සඳහා ඔබට තෝරා ගත හැකි අවස්තාවන් කීපයක් සලසා ඇත. අද දවසේ වියදම් ඇත්තෙන්ම ගමන් ගාස්තු පමණි ඒ අනුව ෂොපින් කිරීම සඳගා ඔබට රාළගේ ගණන් හිලව් අනුව රිංගිට් 250ක් පමණ ඉතිරිව ඇත.
එසේනම් පසු දින නැවතත් රිංගිට් 10ක් වියදම් කර බස් රථයෙන් ගුවන් තොටුපල කරා ගොස් ආපු අතක් බලාගෙන ලංකාවට යන එක රාළට කෙසේ වෙතත් පැමිණි ඔබට සුව දායක වන්නේය.
මේ ට්‍රිප් එක කොටස් තුනකින් නවතා දැමීමට මා අදහස් කර ගෙන සිටියත්
ගෙන්ටින් outdoor theme-park එක වහල නිසා කට්ටියට එම දවස ගත කිරීම සඳහා වෙනත් ඔප්ෂන් කීපයක් රැගෙන හතර වෙනි කොටසින් නැවත කවදා හෝ කාලයකදී හමු වෙමු .
අර වැඩිහිටියන් වන්දනාමාන කරන තැන් අහපු අයට එම කොමෙන්ටුව යටම පිළිතුරු ලැබී ඇති බව (තවත් පාඨකයෙක්ගෙන්ම) කරුණාවෙන් සලකන්න. ඒ නැතත් ටැක්සි රියදුරන්ගේ සහය ඒ වගේ ක්‍රියා සඳහා පහසුවෙන්ම ලබා ගත හැකි බවද දන්වා සිටිමු.
